RF-in Federasiya Şurası beynəlxalq danışıqların aparılması zamanı sərhəd keçid korrupsiyası ilə bağlı konvensiyanı təsdiqləyib. Bununla da rusiyalı senatlar Rusiyanın “Beynəlxalq sazişlərin həyata keçirilməsi zamanı xarici vəzifəli şəxslərin rüşvətlə ələ alınmasına qarşı mübarizə Konvensiyası” adlı beynəlxalq müqaviləyə qoşulmasına razılıq verdilər. Konvensiyaya görə iştirakçı dövlətlər öz qanunvericiliyində xarici vəzifəli şəxsə beynəlxalq kommersiya sazişi bağlamaq və ya sazişdən imtina etmək üçün istənilən qanunsuz təklifin edilməsinə görə hüquqi şəxslər üçün müxtəlif məsuliyyətlər, fiziki şəxslər üçün cinayət məsuliyyəti nəzərdə tutmalıdır.
Bu Konvensiyanın iştirakçılarına bütün İqtisadi Əməkdaşlıq və İnkişaf Təşkilatının (İƏT) üzvləri – Avstraliya, Avstriya, Belçika, Böyük Britaniya, Macarıstan, Almaniya, Yunanıstan, Danimarka, İsrail, İspaniya, İslandiya, İrlandiya, İtaliya, Kanada, Koreya Respublikası, Lyüksemburq, Meksika, Niderland, Yeni Zelandiya, Norveç, Polşa, Portuqaliya, Slovakiya, Sloveniya, ABŞ, Türkiyə, Finlandiya, Fransa, Çexiya, Çili, İsveç, İsveçrə, Estoniya, Yaponiya, həmçinin İƏT-ə daxil olmayan, Argentina, Braziliya, Bolqarıstan və CAR aiddir.
Istənilən dövlət bu Konvensiyaya qoşula bilər. Bununla belə, İƏT-ə qoşulmağın şərtlərindən biri də konvensiyada iştirak etməkdir.